不買iPhone X的兩個風水玄學理由

首頁

        有一排無見小師弟方中圓，早兩日他WhatsApp 我，問我有冇買iPhone X，雖然我都用開iPhone，但係，我唔係幾喜歡iPhone X個造形，所以無買。

        我答：冇買。方中圓又問我點解唔買。我突然靈感來了，我就同方中圓用WhatsApp：講下，從風水玄學角度 ，不買iPhone X的理由。

        白如雪：同風水玄學有關，你估是甚麼？

        方中圓：估唔到。

        白如雪：試下從面相方面想想。

        方中圓：(send左兩個藍面加滴汗、雙掌合十emoji過來)

        方中圓：大師姐，跪求指示

        白如雪：畀返個笑到流眼淚的emoji佢。

        白如雪：將iPhone X有屏幕個邊當係一塊面睇，有冇發覺iPhone X頂部零卸有一部分黑黑地？如果將這裡當係印堂，即iPhone X印堂發黑，都幾黑仔。

        方中圓：這裡不是額頭嗎？

        白如雪：就當這裡是額頭，額頭發黑，咪犯了十大天羅，破財意外，喪事疾厄，衰運接二連三，仲更加黑仔。

        方中圓：原來如此。我聽人話這裡是劉海，如果是劉海，好不好？

        白如雪：如果面相犯了十大天羅，則被劉海遮住，會衰更加多，但這位置，說是劉海，不如說缺角。

        方中圓：上高缺角，即係缺離位，係唔係呀大師姐。

        白如雪：係呀！

        方中圓：咁會點樣呀，大師姐？

        白如雪：假如缺離位，離為明之象，主學生成績，難有佳績，打工仔工作表現差，影響飯碗。

        方中圓：(藍面張大口的驚嚇emoji)

        方中圓：啊！我仲想買部用下，聽大師姐咁講，真係要……。

        就這樣和小師弟說說笑，開了iPhone X的玩笑。當係一塊面看，成個畫面，無左一塊，就係個iPhone X電話頂部。

風水玄學權威白鶴鳴弟子 白如雪 
        本文刊載日期2017年11月10日

最受歡迎風水用品

,

訂購風水用品專頁