從2018狗年流年風水推算樓價升跌

首頁

        最近公司有位同事，佢話覺得現時樓價好高，問我：「而家D樓價咁高，買樓會唔會好危險？新特首又就快上場，D樓價下年會唔會跌?」

        我就照風水玄學既道理話佢聽：「係風水玄學黎睇，下年2018狗年 ，天干『戊』而地支『戌』，所以叫做『戊戌』歲。照五行睇，戊天干五行屬於土，而戌五行都屬土。不過，戌五行仲要睇內藏既五行，內藏五行叫做旁氣。戌係戊土，而旁氣有『丁』及『辛』，丁五行屬火，辛五行屬金。

        2018風水(戊戌年)土氣甚強，樓宇屬於田宅運，田宅五行屬土，所以照睇，2018風水角度睇樓價會跌，旁氣既『辛』金會洩弱土氣，樓價會有一小段時間回落，但又要把握機會，因為旁氣既『丁火』會生旺『土』氣，所以樓價會升番。

        如果問應該明年買樓抑或今年買樓，照計就今年2017年買樓會好過2018年買樓。如果今年唔買，就不如過左2018年先買，因為戊戌算係『土』既最高峰，所謂滿則溢，過高峰後，自然會回落。」

        同事聽到之後，多謝我比既意見，佢話會考慮過左2018年先買。不過，我都同佢講，睇家居風水或商鋪風水，因為有地､有坐向､有環境，所以可以看得準確。而樓價會受世界各地及特首､群眾既互相影響，所以上風水玄學既分析，用黎參考就可以，唔可以100%盡信。大家都要知道哩個道理。

風水玄學權威白鶴鳴弟子──白如雪 
        本文刊載日期2017年4月18日